رویداد خبري آژانس په افغانستان کې لومړنۍ دیجټلي خبري آژانس
د عامې روغتیا وزارت نن د هېواد په سویلي زون کې د پولیو واکسین د ځانګړي کمپاین د پیل کېدو خبر ورکړی دی.
یاد وزارت ویلي، چې دا ځل د پولیو واکسین ځانګړی کمپاین د سویلي زون په کندهار، هلمند، زابل، روزګان او نیمروز ولایتونو کې ترسره کېږي.
د سرچینې د مالوماتو له مخې دغه کمپاین نن پیلېږي او ۴ورځې به دوام وکړي.
روغتیا وزارت ویلي، چې په دې کمپاین کې به څه باندې ۱.۷ میلیونه ماشومان واکسین شي.
د یادولو ده، چې په روان ۲۰۲۳ز کال کې تر دې دمه، د هېواد په کچه د پولیو ناروغۍ پنځه مثبتې پېښې ثبت شوې دي.
