رویداد خبري آژانس په افغانستان کې لومړنۍ دیجټلي خبري آژانس
روغتیا وزارت وایي، په افغانستان کې د کرونا وبا ۲۵۶ نورې پېښې ثبت شوي دي.
د افغانستان د عامې روغتیا وزارت وایي چې په تېرو ۲۴ ساعتونو کې هېواد کې د کرونا وبا ۲۵۶ نورې مثبتې پېښې ثبت شوې دي، له دې سره پر یادې ناروغۍ د اخته کسانو شمېر ۴۹ زره او ۷۴۰ ته رسېدلی دی.
د یاد وزارت په خبره، په همدې موده کې پر کرونا اخته ۲۶ تنه مړه شوي او ۹۰ نور بیا بېرته روغ شوي دي.
د روغتیا وزارت د وروستیو معلوماتو له مخې، تر اوسه په هېواد کې له کرونا وبا د مړه شویو کسانو ټول شمېر ۲۰۰۱ ته او بېرته رغېدلیو هغه بیا ۳۸ زره او ۵۰۰ ته لوړ شوی دی.
د یادونې ده چې د کرونا وبا مثبتې پېښې یو ځل بیا ډېرې شوې دي او روغتیا وزارت پر هېوادوالو غږ کړی دی چې روغتیایي سپارښتنو ته باید جدي پاملرنه وکړي.
