رویداد خبري آژانس په افغانستان کې لومړنۍ دیجټلي خبري آژانس
د افغانستان د عامې روغتیا وزارت وایي چې په تېرو ۲۴ ساعتونو کې په هېواد کې د کرونا وبا یوازې شپږ مثبتې پېښې ثبت شوې دي، له دې سره پر یادې ناروغۍ د اخته کسانو شمېر ۳۹ زره او ۲۳۳ ته رسېدلی دی.
د روغتیا وزارت په وینا، په همدې موده کې پر کرونا اخته دوه کسان مړه شوي او کوم ناروغ بېرته روغ شوی نه دی.
د روغتیا وزارت د وروستیو معلوماتو له مخې، تر اوسه په هېواد کې له کرونا وبا ۱ زر او ۴۵۵ کسان مړه شوي او ۳۲ زره او ۶۴۲ نور بیا بېرته روغ شوي دي.
یاد وزارت زیاته کړې، په هېواد کې اوسمهال د کرونا پنځه زره او ۱۳۶ پېښې فعالې دي.
