رویداد خبري آژانس په افغانستان کې لومړنۍ دیجټلي خبري آژانس
په اوکراین کې د روسیې په تازه هوايي او راکټي بریدونو کې لږ تر لږه ۵۰ کسان وژل شوي او ۲۷۰ نور ټپیان شوي دي.
د راپورونو له مخې، دا بریدونه د دغه هېواد په مرکز پولتاوا ښار کې شوي دي.
پولتاوا ښار د اوکراین له پلازمېنې کییف څخه ۳۰۰ کیلومتره لرې پروت دی او دا برید پر دغه ښار د روسیې تر ټولو لوی برید بلل کېږي.
بلخوا د اوکراین ولسمشر ولادیمیر زلنسکي په خپل ټلګرام کې لیکلي چې دا برید پر ملکي ځایونو شوی او روسیه به یې تاوان ورکړي. روسي چارواکو تر اوسه د دې برید په اړه څه نه دي ویلي.
دا په داسې حال کې ده چې پر اوکراین د روسیې له برید دوه کاله تېر شوي او د اوربند او سولې د خبرو د پیلېدو او له نړیوالو هڅو سره سره لا هم د دغو شخړو د پای ته رسېدو کومه ښکاره نښه نه لیدل کېږي.
