رویداد خبري آژانس په افغانستان کې لومړنۍ دیجټلي خبري آژانس
د هېواد پخواني ولسمشر حامد کرزي په افغانستان کې د ملګرو ملتونو د سیاسي دفتر له سیاسي مرستیال مارکس پوتزل سره کتلي دي.
د حامد کرزي له مطبوعاتي دفتر څخه په خپره شوې خبرپاڼه کې راغلي، چې په دغه لیدنه کې دوی له یو بل سره د “عامو خلکو د ژوند پر څرنګوالي او د مرستو د دوام پر اړتیا” په ګډون د اوسني وضعیت په اړه خبرې کړې دي.
په دې غونډه کې د ښوونځیو او پوهنتونونو پر بیا پرانیستلو، کار ته د ښځو پر راستنېدو او په هېواد کې د ملي تفکر پر پیل ټینګار وشو.
