رویداد خبري آژانس په افغانستان کې لومړنۍ دیجټلي خبري آژانس
د پاکستان د طبیعي پېښو پر وړاندې د مبارزې ادارې اعلان کړی، چې په ټول هېواد کې د سختو بارانونو او سېلابونو له امله لږ تر لږه ۲۲ کسان وژل شوي او لسګونه نور ټپیان شوي دي.
جیو نیوز خبري شبکې یکشنبه د زمري ١٤مه راپور ورکړی چې دغو سېلابونو د ځاني زيانونو ترڅنګ ډېر مالي زيانونه هم اړولي دي.
د پاکستان د طبیعي پېښو پر وړاندې د مبارزې ادارې ویلي، دا کسان د سختو بارانونو، د ځمکې ښویېدو، د کورونو د چتونو د غورځېدو، د سېلابونو او تندر له امله مړه شوي دي.
د دغه رياست د شمېرو له مخې، د يادو پېښو په پايله کې ٢٦٣ کورونه او سلګونه جريبه کرنيزه ځمکه، لسګونه پلونه او لسګونه کيلومتره سړکونه ويجاړ شوي دي.
د سيمه ييزو رسنيو د راپورونو له مخې، دغو سېلابونو د پاکستان په سند، خيبر پښتونخوا او بلوچستان ايالتونو کې ځاني او مالي زيانونه اړولي دي.
