رویداد خبري آژانس په افغانستان کې لومړنۍ دیجټلي خبري آژانس
د پاکستان جيو نيوز ټلوېزيو نن يکشنبه د (چنګاښ په ۱۲مه) راپور ورکړی، چې د بلوچستان ايالت په شيراني ولسوالۍ کې مسافر وړونکی بس کندې ته لوېدلی او په کې ۳۱ سوارليو ته مرګ ژوبله اوښتې ده.
د راپور له مخې، بس له راولپنډۍ څخه د کووټې پر لور روان و، چې په لار کې ياده پېښه رامنځته او له امله يې ۱۹تنه مړه شوي او ۱۲تنه نور ټپيان شوي دي.
د بلوچستان ځايي چارواکو ويلي، چې پېښه د خيبر پښتونخوا ايالت په مربوطاتو کې رامنځته شوې؛ خو له بلوچستان څخه د ژغورنې ډلې په ور رسېدو سره، مړي او ټپيان د پېښې له ځايه د ژوب او مغل کوټ روغتونونو ته لېږدول شوي دي.
