رویداد خبري آژانس په افغانستان کې لومړنۍ دیجټلي خبري آژانس
د کاناډا لومړي وزير جسټن ټروډو د امريکا له لوري په افغانستان کې د القاعده شبکې د مشر وژل کېدو په اړه غبرګون ښودلی او د نوموړي وژل کيدل يې نېک اقدام بللی دی.
ټروډو نن سېشنبه د (زمري په ۱۱مه) په دې اړه خپل ټوېټر کې ليکلي، چې د القاعده شبکې مشر ايمنالظواهري وژل د نړۍ د امنيت خونديتوب لپاره يو ښه اقدام دی.
نوموړي ډاډ ورکړی، چې کاناډا به له خپلو نړيوالو شريکانو سره د ترهګرۍ له امله د خطرونو پر وړاندې په مبارزه، د سولې او ثبات په پياوړتيا او په نړۍ کې د خلکو د خونديتو په برخو کې کار ته دوام ورکړي.
د نوموړي دا څرګندونې په داسې حال کې دي، چې د امريکا ولسمشر جوبايډن بېګا شپه د يوه خبري کنفرانس له لارې په کابل کې د القاعده شبکې د مشر ايمنالظواهري د وژلو اعلان وکړ.
نوموړي وويل، چې د القاعده شبکې مشر ايمنالظواهري يې په کابل کې د امريکايې ځواکونو له لوري د بېپيلوټه الوتکې په هوايي بريد کې وژلی دی.
