رویداد خبري آژانس په افغانستان کې لومړنۍ دیجټلي خبري آژانس
د متحده ایالاتو ولسمشر ډونالډ ټرمپ په سپینه ماڼۍ کې د اوکراین ولسمشر ولادیمیر زلنسکي سره له یوې کړکېچنې کتنې وروسته په یوه اعلامیه کې ویلي چې زلنسکي له روسیې سره سولې ته چمتو نه دی.
ولسمشر ټرمپ په دغه اعلامیه له زلنسکي سره کتنه «ډېره معناداره» بللې او زیاته کړې یې ده چې زیات شیان زده شول چې هېڅکله پرته له دې فشارونو د درک وړ نه و.
ښاغلي ټرمپ په اعلامیې کې ویلي: “چې که متحده ایالات د سولې په خبرو کې برخه ولري، ولسمشر زلنسکي سولې ته نه چمتو کېږي، ځکه هغه احساس کوي چې زموږ برخه لرل، امریکا ته ګټه رسوي.
ولادمیر زلنسکي د امریکا بې احترامي وکړه او کله چې سولې ته چمتو شي، بېرته راتلی شي.”
د ولسمشر ټرمپ مرستیال په کتنه کې د اوکراین په ولسمشر تور ولګاوه چې تبلیغاتي سفر کوي او دا یې «بې احترامي» وبلله چې دا کار په سپینه ماڼۍ کې د امریکایي مطبوعاتو په وړاندې کوي.
