رویداد خبري آژانس په افغانستان کې لومړنۍ دیجټلي خبري آژانس
د امریکا ولسمشر ډونالد ټرمپ وایي نن به یو ډېر مهم کس وبخښي، خو دا به ایډوارډ سنوډن یا د ملي امنیت پخوانی سلاکار مایکل فلین نهوي.
ټرمپ دا خبره پرون په ایرفورس.ون الوتکه کې سپرو خبریالانو ته وکړه، خو هغه په دې اړه نور جزئیات ورنهکړل.
سنوډن چې د امریکا د ملي امنیت د ادارې پخوانی قراردادي و او اوس په روسیه کې اوسي، تورن دی چې په ۲۰۱۳ کالیې د امریکا د استخباراتو د ټولنې ډېر مهم محرم اسناد افشا کړي دي.
د ملي امنیت پخوانی سلاکار مایکل فلین هم ولسمشر ټرمپ د ۲۰۱۷ کال په فبرورۍ کې وروسته له هغې له کاره لیرې کړ چې ښکاره شوه، هغه د امریکا مرستیال ولسمشر مایک پینس ته په متحده ایالاتو کې د روسیې له سفیر سره د خپلو اړیکو په اړه درواغ ویلي و.
