رویداد خبري آژانس په افغانستان کې لومړنۍ دیجټلي خبري آژانس
ولسمشر غني وايي کورنیو چارو وزارت دې د ښارونو او ولسوالیو د امنیت لپاره باید هڅې ډېرې کړي.
افغان ولسمشر محمد اشرف غني کورنیو چارو وزارت ته سپارښتنه کړې چې د ښارونو د امنیت لپاره خپلې هڅې لا ډېرې کړي.
پرون شنبې د دیسمبر ۱۹ ( لېندۍ ۲۹) ناوخته ولسمشر غني د ویډیو کنفرانس له لارې د کندهار ولایت له ځایي چارواکو سره د خبرو پر مهال ددغه ښار د امنیت ارزونه کړې ده.
هغه ویلي چې په کندهار کې وروستیو جګړو خلک زیانمن کړي دي او ځايي چارواکو ته یې له دوی سره د اړینو مرستو د ترسره کولو غوښتنه کړې ده.
نوموړي دغه راز د کورنیو چارو وزارت ته سپارښتنه کړې چې د مشخصو او واضح پلانونو له لارې د ښارونو د امنیت په تامین کې خپلې هڅې ډېرې کړي او دغه راز له ولسوالیو سره هم خپلې اړیکې پراخې کړي څو د احتمالي خطرونو پر مهال پر وخت اقدامات ترسره شي.
