رویداد خبري آژانس په افغانستان کې لومړنۍ دیجټلي خبري آژانس
د ډېورنډ فرضي کرښې ته څېرمه شمالي وزیرستان کې د پاکستاني پوځیانو او وسلوالو تر منځ نښته کې شپږ تنه پاکستاني پولیس وژل شوي دي.
د پاکستان د پوځ د عامه اړیکو څانګې له خوا په یوه خپره شوې خبرپاڼه کې ویل شوي، په سیمه کې د ترهګرو پر وړاندي عملیات روان وو، چې دغه پېښه رامنځته شوه.
بل خوا پرون سهار شمالي وزیرستان ته څېرمه کرمه سیمه کې په دوو جلا بریدونو کې د ښوونځي اته کارکوونکي وژل شوي، چې پنځه یې ښوونکي دي.
دپوليسو د مالوماتو له مخې، تر دې پېښې وروسته ناپیژنده وسلوال سیمه کې یو ښوونځي ته ننوتي او پر هغه ښوونکو یې ډزې کړي چې د بورډ په ازموینو بوخت و.
