رویداد خبري آژانس په افغانستان کې لومړنۍ دیجټلي خبري آژانس
د ټرانسپورټ او هوايي چلند وزارت د هوا پېژندنې ادارې د هېواد په ۲۸ ولایتونو کې د واورې او باران اټکل کړی دی.
د دې ادارې د خبرپاڼې له مخې چې نن په هرات، فراه، نيمروز، هلمند، کندهار، زابل، ارزګان، غور، بادغيس، فارياب، جوزجان، سرپل، بامیان، ډایکنډي، پکتیکا، غزني، پکتیا، خوست، لوګر، وردګ، سمنګان، بلخ، کندز، بغلان، پروان، کابل، پنجشېر او بدخشان ولایتونو کې د واورې او باران د ورښت اټکل شته.
هواپېژندنې همداراز د هېواد په لوېديځو، مرکزي، سوېل ختيځو او ختيځو ولايتونو کې دا ورښتونه سخت او درانه اټکل کړي او په تودو سیمو کې یې د سیلابونو د راوتلو خبرداری هم ورکړی دی.
ورته مهال په افغانستان کې د اقلیمي بدلون کارپوهان ټینګار کوي، چې په دې اوونۍ کې به د ډېرې واورې او باران ورښت د وچکالۍ لړۍ ماته کړي.
