رویداد خبري آژانس په افغانستان کې لومړنۍ دیجټلي خبري آژانس
هندي چارواکو خبر ورکړی، چې د دې هېواد شمال لورته په يوه غرنيزه سيمه کې يو مسافر وړونکی بس موټر له سړک اوښتی او د چپه کېدو په ترڅ کې يې ټولټال ۲۲ تنه سوارلۍ وژل شوي دي.
پوليسو ويلي چې ياده پېښه په اتر اکهند ايالت کې پرون يکشنبه د (غبرګولي په ۱۵مه) رامنځته شوې ده.
د فرانس پرېس خبري اژانس په دې اړه خپل خپاره کړي راپور کې د پوليسو له قوله ويلي، چې د چلوونکي په شمول په بس کې ټول ۳۰ کسان موجود وو او پر وژل شوو کسانو سربېره د اکثره ټپي شوو کسانو روغتيايي وضعيت هم خراب دی.
د هند کورنيو چارو وزير امنيت شاه دغه ټرافيکي پېښه غموونکې بللې او ويلي يې دي چې د پېښې ځای ته د ژغورونکې ډلې په رسېدو سره ټول جسدونه او ټپيان روغتونونو ته لېږدول شوي دي.
