رویداد خبري آژانس په افغانستان کې لومړنۍ دیجټلي خبري آژانس
د هلمند ځايي چارواکي خبر ورکوي چې په دې ولايت کې يې د بېوزلو، بېسرپرستو او يتيمو ماشومانو د زدهکړو په موخه يو عصري ښوونيز مرکز پرانيستی دی.
دوی زياتوي چې په دغه مرکز کې به يادو ماشومانو ته په لوړ معيارو د تجربه لرونکو استاذانو پر مټ د زدهکړو زمينه برابرېږي.
د ماشومانو د زدهکړو په موخه دغه ښوونيز مرکز د سرې مياشتې ادارې له لوري د ۶.۵ ميليونه افغانيو په مالي لګښت جوړ او پر اړينو درسي وسايلو سمبال شوی دی.
په هلمند کې دغه ښوونيز مرکز داسې مهال پرانيستل کېږي چې لا هم د کابل په شمول په ګڼو ولايتونو کې د ښوونځيو دروازې د نجونو پر مخ نه دي پرانيستل شوي.
