رویداد خبري آژانس په افغانستان کې لومړنۍ دیجټلي خبري آژانس
د کرنې او مالدارۍ وزارت وایي، هغه واورین پړانګ نیول شوی چې د بدخشان په زیباک کې یې ۳۰ څاروي داړلي وو.
د کرنې او مالدارۍ وزارت نن چهارشنبې د سلواغې ۱۴مه په یوه خبرپاڼه کې ویلي چې دغه واورین پړانګ د ساتنې او خوندیتوب په موخه نیول شوی دی.
یاد وزارت زیاته کړې چې دغه پړانګ څو ورځې وړاندې د بدخشان په زیباک ولسوالي کې یو کس او ۳۰ څاروي داړلي وو.
د کرنې او مالدارۍ وزارت مسوولینو دا هم ویلي:” چې نیول شوی واورین پړانګ به په امن ځای کې ساتل کېږي او په مناسب وخت کې به بېرته خوشی شي.”
د کرنې او مالدارۍ وزارت د معلوماتو له مخې چې، د دغه ډول پړانګانو د اوسېدو ځای تر ډېره له پاکستان، چین او تاجکستان سره نږدې زیباک او واخان ولسوالۍ دي.
