رویداد خبري آژانس په افغانستان کې لومړنۍ دیجټلي خبري آژانس
په هرات کې پرون ماښام د (سلواغې په ۲مه) يوې چاودنې ۱۵ تنو ته مرګ ژوبله اړولې ده.
د هرات ځايي چارواکو رسنيو ته ويلي، ياده چاودنه پر فلانکوچ ډول موټر پسې د نښلېدونکي ماين له امله رامنځته شوې ده، چې ۵تنه په کې وژل شوي او ۱۰ نور ټپيان شوي دي.
د هرات روغتيايي چارواکو بيا په پېښه کې د وژل شويو کسانو شمېر ۷ او د ټپيانو يې ۹تنه ښودلی دی. روغتيايي سرچينو زياته کړې چې په وژل شويو کسانو کې ۴ ښځې او ۳ سړي او دغه راز په ټپيانو کې هم ۵ ښځې او ۴ سړي شامل دي.
تر اوسه د يادې چاودنې مسووليت کومې ډلې په غاړه نه دی اخيستی.
