رویداد خبري آژانس په افغانستان کې لومړنۍ دیجټلي خبري آژانس
هرات کې د افغانستان – قزاقستان د سوداګرۍ ګډه خونه د ا.ا د سیمهییزو چارواکو او په افغانستان کې د قزاقستان د سفیر له خوا پرانیستل شوې ده.
د هرات د سوداګرۍ او پانګونې خونې د یوې اعلامیې له مخې، په افغانستان کې د قزاقستان سفیر «علیم خان یسین ګیلدییف» د دې خونې پرانیستل د دواړو هېوادونو د اقتصادي ودې په برخه کې مهم ګام وباله.
هغه ټینګار وکړ چې د سوداګرۍ د ګډې خونې په همکارۍ به د افغانستان او قزاقستان سوداګر او پانګوال خپلې سوداګرۍ ته وده ورکړي.
د دې اعلامیې له مخې، ارمان یسین تایف د افغانستان-قزاقستان د سوداګرۍ خونې د رییس په توګه ګمارل شوی او په رسمي توګه یې خپله دنده پیل کړې ده.
