رویداد خبري آژانس په افغانستان کې لومړنۍ دیجټلي خبري آژانس
د هرات د والي ویاند محمدیوسف سعیدي، وايي چې په دغه ولایت کې د ټاپي پروژې د ګازو نللیکې د لګولو چارې درې کیلومټره مخ ته تللي دي.
د سعیدي په خبره، ګړندۍ هڅې روانې دي چې دغه پروژه بشپړه او ګټېاخیستنې ته وسپارل شي.
د ویلو ده چې ټاپي پروژه د افغانستان د اقتصاد په برخه کې خورا مهمه ونډه لري، د دې پروژې په مرسته طبیعي ګاز له ترکمنستان څخه افغانستان، پاکستان او هند ته لېږدول کېږي.
دا په داسې حال کې ده چې د یادې پروژې د نورو ګټو ترڅنګ په هرات، فراه، هلمند او کندهار ولایتونو کې ګڼ شمېر خلکو ته د کار زمینې برابرې شوې دي.
