رویداد خبري آژانس په افغانستان کې لومړنۍ دیجټلي خبري آژانس
د ارمنيا لومړي وزير نيکول پاشينيان ادعا کړې، چې د اذربايجان سرتېرو پرون چهارشنبه د (تلې په ۶مه) يو وار بيا په ګډه پوله کې پر ارمني سرتېرو بريد کړی دی.
نوموړي زياته کړې د بريد پرمهال اذربايجاني سرتېرو پولې ته څېرمه سيمه په درنو وسلو ويشتې او مالي زيانونه يې رامنځته کړي دي.
پاشينيان دا هم ويلي، چې د پرونۍ جګړې په ترڅ کې يې ۳تنه سرتېري وژل شوي دي. د نوموړي په خبره دا سرتېري يې د ازادۍ، حاکميت او ډيموکراسۍ لپاره قرباني شوي دي.
بل خوا اذربايجاني چارواکو بيا پر ارمني چارواکو تور پورې کړی، چې د اوربند له اصولو يې سرغړونه کړې او له همدې کبله جګړه رامنځته شوې ده.
اذربايجاني چارواکو په پرونۍ جګړه کې د خپل يوه سرتېري د ټپي کېدو خبر ورکړی دی.
