رویداد خبري آژانس په افغانستان کې لومړنۍ دیجټلي خبري آژانس
ټاکل شوې چې نن چهارشنبه د (لړم په ۲۵مه) د روسيې په پلازمېنه مسکو کې د افغانستان په تړاو د سيمې او ګاونډيو هېوادونو د استازو غونډه جوړه شي.
په دې غونډه کې به د يادو هېوادونو استازي په افغانستان کې د روان وضعيت او د دې هېواد له سرپرست حکومت سره پر سياسي مناسباتو بحث وشي.
د مسکو فارمټ په دې غونډه کې د افغانستان سرپرست حکومت استازي ته بلنه نه ده ورکړل شوې او په تړاو يې د افغانستان لپاره د روسيې ځانګړي استازي ضمير کابلوف ويلي و، چې يادې غونډې ته د افغانستان هېڅ کوم استازی نه دی بللی شوی.
خو د افغانستان سرپرست حکومت چارواکو بيا د خپل حکومت له استازي پرته په روسيې کې د مسکو فارمټ ياده ترسره کېدونکې غونډه نيمګړې بللې ده او ويلي يې دي، چې دا کار د افغانستان او روسيې ترمنځ پر اړيکو منفي اغېز کولی شي.
د افغانستان په تړاو د مسکو په نننۍ غونډه کې د چين، پاکستان، تاجکستان، ايران، ترکمنستان، ازبکستان، هند، روسيې، قرغيزستان او قزاقستان استازي ګډون وکړي.
