رویداد خبري آژانس په افغانستان کې لومړنۍ دیجټلي خبري آژانس
ټاکل شوې نن چهارشنبه د (وري په ۱۰مه) د چين په پلازمېنه بيجينګ کې د افغانستان په تړاو د ګاونډيو هېوادونو غونډه پيل شي.
په دې غونډه کې به د افغانستان پر بشري وضعيت او دغه راز له افغانستان سره د مرستو پر دوام خبرې وشي. په نننۍ غونډه کې به د چين، پاکستان، تاجکستان، ازبېکستان، ترکمستان او افغانستان بهرنيو چارو وزيران ګډون وکړي.
په همدې حال کې پرون سېشنبه ناوخته چين خبر ورکړ چې د افغانستان لپاره د امريکا ځانګړی استاز توماس ويسټ به هم د افغانستان په اړه د چين په کوربهتوب دې غونډه کې ګډون وکړي.
د افغانستان سرپرست بهرنيو چارو وزير اميرخان متقي په مشرۍ پلاوی بيجينګ ته رسېدلی او په دې غونډه کې به د افغانستان هر اړخيز وضعيت په اړه ګډونوالو ته مالوماتو وړاندې کړي.
