رویداد خبري آژانس په افغانستان کې لومړنۍ دیجټلي خبري آژانس
ټاکل شوې ده نن پنجشنبه (د وري ۱۹مه نېټه) د پاکستان د ولسي جرګې رییس اسد قیصر د یوه شپاړلس کسیز پلاوي په مشرۍ کابل ته سفر وکړي.
نوموړی به له ولسمشر غني او نورو افغان چارواکو سره د افغان سولې په اړه خبرې وکړي.
د افغانستان لپاره د پاکستان ځانګړي استازي محمد صادق هیله ښودلې چې دا سفر به د دواړو هېوادونو ترمنځ د همکاریو له پیاوړي کېدو سره مرسته وکړي.
د افغانستان ولسي جرګې په یوه اعلامیه کې ویلي چې دا سفر د افغانستان د ولسي جرګې په رسمي بلنه ترسره کېږي.
د افغانستان د ولسي جرګې د مشر مېر رحمن رحماني په ګډون یو شمېر افغان لوړ پوړو چارواکو دې وروستیو کې پاکستان ته سفرونه کړي دي.
