رویداد خبري آژانس په افغانستان کې لومړنۍ دیجټلي خبري آژانس
د عامې روغتیا وزارت خبر ورکوي چې نن(دوشنبه،۳د مرغومي)د هیواد په یوولس ولایتونو کې د ګوزڼ ضد واکسین کمپاین پیلېږي.
د یاد وزارت ویاند شرافت زمان وایې، چې دغه کمپاین په کابل، کندهار، هلمند، ارزګان، زابل، ننګرهار، کونړ، لغمان، نورستان، هرات او کندز کې پیل شي چې په ترڅ کې به شاوخوا ۴.۸ میلیونه له پنځو کلونو کم عمره ماشومان واکسین شي.
اوس مهال افغانستان او پاکستان په نړۍ کې یوازیني هیوادونه دي چې د پولیو ناروغۍ په له منځه وړلو کې نه دي بریالي شوي.
