رویداد خبري آژانس په افغانستان کې لومړنۍ دیجټلي خبري آژانس
د ننګرهار د عامې روغتيا رياست وايي، د اختر په ورځو کې په بېلابېلو ترافيکي پېښو کې ۱۲۲ کسان ټپيان شوي دي.
د ننګرهار د عامې روغتيا د رياست وياند نقيب الله رحيمي وايي، د ټپيانو ترڅنګ يو تن مړ شوی هم دی.
رحيمي ويلي، د اختر په لومړۍ ورځ ۴۲، دويمه ورځ ۴۳ او درېيمه ورځ ۳۷ تنه د ننګرهار سيمهييز تخصصي روغتون ته د درملنې په موخه ور وړل شوي دي.
په ورته حال کې د پروان ولايت سيمهييزو چارواکو د اختر په ورځو کې د بېلابېلو ترافيکي پېښو له امله د ۱۲ کسانو د ټپي کېدو خبر ورکړی دی.
