رویداد خبري آژانس په افغانستان کې لومړنۍ دیجټلي خبري آژانس
د افغان حکومت او طالبانو د مذاکراتي پلاوو د تماس ډلې به نن هم ناسته ولري.
د افغان مذاکراتي پلاوي غړي نادر نادري نن د سپتمبر ۲۸ (تلې ۷) غرمه مهال په یوه خبري ناسته کې د خبرو پر مهال وویل چې د اختلافي مواردو پر سر بحثونه دوام کوي او تمه ده چې ژر تر ژره دغه مسایل نهایي شي او پر اساسي موضوعاتو خبرې پيل شي.
هغه ویلي چې پرون هم دواړو لورو بحثونه لرل او نن به هم دغه لړۍ ادامه ولري.
نادري همدا راز زیاته کړه چې افغان مذاکراتي پلاوی به له دې وروسته هره ورځ تر مذاکراتي غونډې وروسته خبري کنفرانس لري او د ټولو پرمختګونو په اړه به خبریالانو ته معلومات ورکوي.
