رویداد خبري آژانس په افغانستان کې لومړنۍ دیجټلي خبري آژانس
د میدان وردګو ولایت د سیدا اباد ولسوالۍ اوسېدونکي وایي چې په دغې ولسوالي کې د هاوان مرمۍ د لګېدو په پېښه کې د یوې کورنۍ څلور غړي وژل شوي او پنځه نور ټپیان شوي دي.
دوی وایي چې، دغه پېښه تیره ورځ ماښام مهال د روژه ماتي پر وخت د سید اباد ولسوالۍ اړوند اوتړیو سیمه کې شوې ده.
دوی وایي چې په وژل شویو او ټپيانو کې ښځې او ماشومان هم شامل دي.
له دې پېښې وروسته ځایي خلکو د اعتراض په ډول د وژل شویو کسانو جنازې د کابل ـ کندهار لویې لارې ته راوړې او د عدالت غوښتنه کوي.
