رویداد خبري آژانس په افغانستان کې لومړنۍ دیجټلي خبري آژانس
د فرانسې او تاجکستان ولسمشرانو په افغانستان کې د موجوده وضعيت او دغه راز د ياد وضعيت په ترڅ کې د پېښېدونکو احتمالي عواقبو په اړه خبرې کړې.
د فرانسې ولسمشر اېمانوېل مکرونه ويلي، تاجکستان له افغانستان سره اوږده ګډه پوله لري او دا دې سبب شوې چې فرانسه او تاجکستان دواړه د افغانستان په اړه شريکې اندېښنې ولري.
نوموړي د تاجکستان له ولسمشر امام علي رحمان سره يوه ګډ خبري کنفرانس ته زياته کړه، هغو ترهګرو ډولو ته بايد د هېڅ شي اجازه ورنه کړل شي چې د ښځو حقونه په پيمالولو سره يې بشري حقونه تر پښو لاندې کړې وي.
امام علي رحمن هم په افغانستان کې د وضعيت له امله د اندېښنې ښودلو ترڅنګ ويلي، فرانسه هغه هېواد دی چې تاجکستان يې د اروپا په کچه خپل خواخوږی ګڼي.
له هغې وروسته چې طالبانو د تېرې اګسټ په ۱۵مه په افغانستان کې بشپړ واک ونيو، فرانسې او تاجکستان د دې ډلې پر وړاندې سخت دريځ نيولی او ډېر کله يې د طالبانو په خلاف توندې خبرې هم کړي دي.
