رویداد خبري آژانس په افغانستان کې لومړنۍ دیجټلي خبري آژانس
د ميدان وردګو ولايت دکرنې، اوبولګولو او مالدارۍ رياست نن پنجشنبه (د چنګاښ ۲۴مه نیټه) په یوه اعلامیه کې ویلي،چې په دې وروستيو کلونو کې د میدان وردګو ولايت په دايميرداد ولسوالۍ کې د ګېلاس او زردالو ۵۳۰جريبه بڼونه جوړ شوي دي.
د دغه ولایت دکرنې ریاست په وینا، په دغو بڼونو کې ۴۲۱جريبه زردالو او د ۱۲۱ جريبه د ګیلاس بڼونه شامل دي.
د ميدان وردګو ولايت دکرنې رييس عبدالله تسل وايي، که څه هم سږکال په پسرلي کې د يادو مېوو ونې يخ وهلي وې او حاصلات يې د تېر کال په پرتله ۲۰ سلنه کم شوي دي خو بلخوا سږ کال د زردالو او ګېلاسو بيې ښې دي، چې ورسره د بڼوالو په عوايدو کې کوم توپير نه رامنځته کېږي.
د یادونې وړ ده چې د ميدان وردګو ولايت زردالو او ګېلاس ددې ولايت د سيمه ييزو بازارونو ترڅنګ ګاونډو ولايتونو او کابل ته هم د پلور په پار صادرېږي، چې ښه بازار هم لري.
