رویداد خبري آژانس په افغانستان کې لومړنۍ دیجټلي خبري آژانس
تیره ورځ په میرانشاه کې د پښتون ژغورنې غورځنګ یوه لویه غونډه ترسره شوه، په دې غونډه کې د پښتون ژغورنې غورځنګ مشر منظور احمد پشتین د پاکستان له حکومته وغوښتل چې د هدفي وژنو مخنیوی دې وکړي.
منظور پشتین زیاته کړه د پاکستان حکومت دې په دغه تړاو اغیزمن اقدامات وکړي.
په میرانشاه کې د پښتون ژغورنې غورځنګ د غونډې ګډونوالو شمېر تر لسګونه زرو پورې رسیده.
منظور احمد پشتین له عامو خلکو وغوښتل چې د هدفي وژنو په اړه حکومت ته خبرداری ورکړي، که يي پر وړاندې بې غوري کوله نو د لاریونونو له لارې خپل حق وغواړئ.
د پاکستان حکومت څخه د پښتون ژوغورنې غورځنګ غوښتنې دا دي چې د پښتنو په سیمو کې د ماینونو پکول، ناقانونه وژنې مخنیوی او په پښتنو باندې د بریدونو عامیلین دې ونیسي.
