رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو د کډوالو عالي کميشنري يا UNHCR وايي، لا هم په افغانستان کې د بشري ناورين کچه پر خپل ځای ده او د ملاتړ کوونکو هېوادونو او بنسټونو له لوري جدي مرستو ته اړتيا ده.
دې کميشنرۍ نن چهارشنبه د (وري په ۱۷مه) په ټوېټر کې لېکلي، چې په افغانستان کې د روان بشري ناورين عمده قربانيان ښځي او ماشومان دي.
د ملګرو ملتونو دې ادارې ويلي، چې ميليونونه افغانانو دامهال خپل کورونه پرېښي او د کافي خوراکي توکو او سرپنا په موندلو پسې وتلي دي. د ملګرو ملتونو د کډوالو عالي کميشنرۍ ټينګار کړی چې افغان ښخې او ماشومان بايد د مرسته کوونکو حياتي مرستو ته لاسرسی پيدا کړي.
د ملګرو ملتونو د شمېرو له مخې، دامهال په افغانستان کې ۲۴ ميليونه خلک له لوږې سره مخ دي او ۸ ميليونه هغه يې بيا خوراکي خونديتوب نه لري.
