رویداد خبري آژانس په افغانستان کې لومړنۍ دیجټلي خبري آژانس
د بهرني رسنیو په حواله د ملګرو ملتونو بشري حقونو څانګې له عراق هېواد څخه غوښتي چې ژر تر ژره دې د بندیانو له اعدامولول لاس واخلي.
د ملګرو ملتونو بشري حقونو څانګې همدا راز له یاد هېواد څخه هیله کړې چې خپل مسولیت درک کړي.
دا غوښتنه وروسته له هغه نه وشوه چې په عراق کې د یادې څانګې پلټنې څخه وروسته معلومه شوه چې په یاد هېواد کې لسګونه کسان د غیر عادلانه محاکمو په لړ کې په اعدام محکوم شوي دي.
د راپورونو پر اساس ملګري ملتونه وايي چې په عراق کې د غیر عادلانه محاکمو په نتیجه کې لسګونه کسان اعدام شوي دي.
د یاد سازمان د بشري حقونو څانګې غړي وايي په عراق کې ۴۰۰۰ زره بندیان د ترهګرۍ پر جرمونو په اعدام محکوم شوي.
راپورونه زیاتوي عراق حکومت تر اوسه پورې د ملګرو ملتونو دې غوښتنې په اړه څه نه دي ویلي.
