رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو د بشري مرستو د همغږۍ ادارې مشرې ویلي په غزې کې د اسراییل – حماس تر جګړې وروسته په دې تړانګې کې ۱.۹ ملیون وګړي بې ځایه شوي چې د دې تړانګې د ټولو وګړو ۸۰ سلنه کېږي.
د ملګرو ملتونو د بشري مرستو همغږې کوونکې سیګریډ کاګ سه شنبه (د چنګاښ ۱۲مه) د ملګرو ملتونو امنیت شورا ته په وینا کې وویل چې د غزې په جنوب خان یونس ښارګوتي کې خلکو ته د وتلو لپاره د اسراییل امر په هکله ژوره اندېښنه لري.
مېرمن کاګ زیاته کړه: “څه باندې یو میلیون وګړي به یو ځل بیا بې ځایه شي چې سرپناوو او خوندیتوب ته سخته اړتیا لري.”
د ملګرو ملتونو د اټکل له مخې د اسراییلي پوځ دغه فرمان د خان یونس او رفحې تر ۲۵۰زره غیرنظامیان اغېزمنوي دا دواړه سیمې په ټوله کې۲.۴میلیون نفوس لري.
د ملګرو ملتونو د بشري مرستو د همغږۍ ادارې مشرې همدارنګه وویل: “په غزه کې جګړې نه یوازې دا چې تر ټولو جامع بشري ناورین رامنځته کړی، انساني بدمرغۍ یې هم زیږولې دي.”
اغلې کاګ زیاته کړې چې د غزې د جګړه ځپلو لپاره کافي ډوډۍ نه چمتو کېږي او ټینکاری یې کړی چې د انساني ناورین د رامنځته کېدو د مخنیوي لپاره د نویو لارو خلاصول په ځانکړې توګه د غزې د جنوبي برخې خلاصون یو اړین امر دی.
هغې په ځانکړې توګه د رفح لارې د غزې او مصر تر منځ سیمي د بیا خلاصون غوښتنه کړې او له نړیوالې ټولنې یې غوښتي چې بشري مرستې ډېرې کړي.
1m
