رویداد خبري آژانس په افغانستان کې لومړنۍ دیجټلي خبري آژانس
ملګرو ملتونو اعلان کړی چې اسراییلو په خپلو بریدونو سره د غزې تړانګې شاوخوا ۸۴ سلنه اوسېدونکي بېځایه کړي دي.
د ملګرو ملتونو د سرمنشي مرستیال، فرحان حق د دوشنبې په ماښام (د زمري ۲۲) ویلي چې په غزه کې د اسراییلي رژیم پرله پسې بمبارۍ او جنایتونه د فلسطینیانو د مرګ ژوبلې او بېځایه کېدو سبب ګرځي.
دغه سازمان د غزې د پرېښودلو په تړاو د اسراییلي پوځ فرمانونو ته په اشارې ویلي چې د اسراییلو په دې فرمانونو سره د غزې تړانګې څه باندې ۸۴ سلنه سیمې په محاصره کې شاملې دي.
ویل کېږي چې په غزه کې د قربانیانو شمېر او وضعیت د خرابېدو په حال کې دي او د ملګرو ملتونو امنیت شورا د الجزایر په غوښتنه د اسراییلو او حماس تر منځ د جګړې له پیلیدو وروسته د ۲۴م ځل لپاره غونډه کوي.
د غزې په شمال کې پر التابعین مدرسې د شنبې ورځې د اسراییلو هغه برید له سختو نړیوالو غبرګونو سره مخ شوی چې په پایله کې یې له سلو ډېر کسان ووژل شول.
د ویلو ده چې په غزه کې د جګړې له پیل راهیسې د شهیدانو او ټپیانو شمېر له ۱۴۰ زرو تنو څخه اوښتی دی.
