رویداد خبري آژانس په افغانستان کې لومړنۍ دیجټلي خبري آژانس
په کابل کې د ملګرو ملتونو د مرستندویه دفتر مشرې دیبورا لاینز د ملي پخلاینې عالي شورا له مشر ډاکټر عبدالله عبدالله سره پرون چهارشنبې (د غبرګولي ۱۹مه نېټه) کتلي دي او ټینګار یې کړی چې روان تاوتریخوالی د جدي اندېښنې وړ دی او باید د سولې خبرې چټکې کړل شي.
د دیبورا لاینز په وینا ددې جدي اړتیا ده چې په لوړه کچه د سولې خبرې چټکې کړل شي او د تاوتریخوالي د کمولو لپاره اغېزناک ګامونه اوچت شي.
نوموړې د بهرنیو چارو له وزیر حنیف اتمر سره هم کتلي دي او ژمنه یې کړې چې ملګري ملتونه به په افغانستان کې خپل ماموریت ته ادامه ورکوي او هڅه کوي د سولې په راتګ کې خپلې همکارۍ ډېرې کړي.
لاینز په افغان سوله کې د سیمې د هېوادونو همکاري هم اړینه بللې ده.
