رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو پراختیايي پروګرام (UNDP) پرون چهارشنبې د وري ۲۹ مه په یو راپور کې ویلي چې په افغانستان کې سوداګرې له پراخو خنډونو او لوړو سوداګریزو لګښتونو سره مخ دي.
دا راپور تازه په تېرو دریو کلونو کې له شاوخوا ۳ زره ۳۰۰ ښځینه متشبثینو سره د مرکو، بحثونو او کمیټې د سروې پر بنسټ چمتو شوی دی.
د دې سازمان د راپور له مخې، له ۷۳ سلنه ښځو په مرکه کې ویلي چې له محرم پرته نه شي کولای سیمهییزو بازارونو ته سفر وکړي او دې امر دوی له ستونزو سره مخ کړې دي.
بلخوا د صنعت او سوداګرۍ وزارت ویاند، عبدالسلام جواد وایي چې په افغانستان کې د سوداګرو ښځو د پرمختګ په برخه کې هېڅ ډول خنډ نشته او هغوی کولای شي ازادانه خپل فعالیتونه ترسره کړي.
هغه رویداد خبرې اژانس ته ویلي، “افغان سوداګرې له هېڅ ډول خنډ سره مخ نه دي، خو د سفر پر مهال د محرم شتون د اسلام له اصولو څخه دی او موږ هم د اسلامي اصولو سره سمه رویه کوو او ښځینه د اړتیا پر مهال باید له خپل محرم سره سفر وکړي.”
دا په داسي حال کې ده چې د زدهکړو او کار په برخو کې له بندیزونو وروسته ډېری ښځو سوداګرۍ ته مخه کړې او سوداګري د دوی لپاره د عاید ترلاسه کولو یوازینۍ لاره ده.
