رویداد خبري آژانس په افغانستان کې لومړنۍ دیجټلي خبري آژانس
په افغانستان کې د ملګرو ملتونو پراختیايي پروګرام (UNDP) اعلان کړی چې په افغانستان کې به د روغتیا په برخه کې درې میلیونه ډالره ولګوي.
دې ادارې په اېکس پاڼه لیکلي چې دا پیسې به په بېلابېلو روغتونونو کې د جدي پاملرنې څانګې پیاوړي کولو لپاره ولګول شي.
د ملګرو ملتونو د پراختیايي پروګرام په وینا، دا لګښت به د ایډز (HIV)، نري رنځ او ملاریا سره د مبارزې لپاره د نړیوال وجهي صندوق لخوا تامین شي.
دا په داسې حال کې ده چې په افغانستان کې د روغتیا د نړیوال سازمان استازي تر دې مخکې ویلي وو چې ۱۸ میلیونه افغانان بشري مرستو او روغتیايي خدمتونو ته اړتیا لري.
