رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو امنیت شورا غړو د رایو په اکثریت هغه پرېکړهلیک تایید کړی چې له مخې یې دوی د بین الافغاني مذاکراتو ملاتړ کړی او په افغانستان کې یې د دایمي اوربند پر راتلو ټینګار کړی.
د ملګرو ملتونو امنیت شورا وایي، په افغانستان کې دې روانه جګړه پای ته ورسېږي او په دغه هیواد کې دې دایمي اوربند او ثبات رامنځته شي.
ملګرو ملتونو امنیت شورا د بین الافغاني مذاکراتو پیلېدل یو مثبت ګام بللی او زیاته کړې یې ده چې ملګري ملتونه به له یادو مذاکراتو ملاتړ کوي.
دا په داسې حال کې ده چې د افغان حکومت او طالبانو ترمنځ د بین الافغاني مذاکراتو له پیلېدو سره سم افغان حکومت او ډېر بهرنیو هیوادونه له طالبانو په افغانستان کې د دایمي اوربند د رامنځته کولو غوښتنه کوي.
