رویداد خبري آژانس په افغانستان کې لومړنۍ دیجټلي خبري آژانس
د افغانستان ملي امنیت سرپرست احمد ضیا سراج وايي د طالبانو اړیکې د نورو ترهګرو ډلو سره پیاوړي شوي دي.
د ملي امنیت لوی ریاست نوماند احمد ضیا سراج دغه خبره پرون په ولسي جرګې کې وکړه، نوموړي زیاته کړه د طالبانو په ګډون نورو ترهګرو ډلو د ځانمرګو بریدګرو بازار پرانیستی دی.
ښاغلي ضیا سراج وویل که طالبانو په پېښور، کراچۍ او کوټې کې امن ځالې نه درلوداى دوی به ډیر مخکې له منځه تللي وو.
د ملي امنیت لوی ریاست نوماند زیاته کړه په افغانستان کې د سیمې هېوادونو د ګټو تضاد د دې لامل شوی چې په افغانستان کې د جګړې اور تود وساتل شي.
نوموړي همدا راز وویل چې په وروستي یو کال کې شاو خوا شپږ زره تنه د بیلابیلو ترهګریزو فعالیتونو په تور نیول شوي دي.
طالبانو تر اوسه پدې اړه څه نه دي ویلي.
