رویداد خبري آژانس په افغانستان کې لومړنۍ دیجټلي خبري آژانس
د افغانستان د ملي امنیت شورا دفتر وايي، تخنیکي ټیم یې پر دې کار کوي چې طالب زندانیان له بنده خوشې کړي.د ملي امنیت شورا د دفتر ویاند جاوید فیصل د دوشنبي په ورځ رسنیو ته وویل چې له زندان څخه د هغو پاتې طالب یندیانو د خوشې کولو پر چارو بوخت دې چې نوملړ یې ورته سپارل شوی دی.
نوموړي زیاته کړې “د طالب زندانیانو د ازادۍ پروسه په دوامداره توګه مخته تللې ده، د افغانستان حکومت یې سر لارې و، اوس هم دا پروسه روانه ده او تخنیکي ټیمونه د بندیانو پر ازادۍ او نورو برخو کار کوي
افغان حکومت تر دمګړۍ د طالبانو له ۳۵۰۰ زیات زندانیان خوشې کړي دي او طالبانو یې بیا په بدل کې هم له ۵۰۰ زیات د حکومت زندانيان پرېښي دي.
د افغانستان د ملي امنیت شورا داسې مهال د پاتې طالب زندانیانو د خوشې کېدو په اړه خبر ورکوي، چې د افغانستان د سولې لپاره د امریکا ځانګړي استازي زلمي خلیلزاد د بین الافغاني مذاکراتو تر پیل مخکې، د خبرو لپاره قطر، پاکستان او ازبکستان ته سفر پیل کړی دی.
