رویداد خبري آژانس په افغانستان کې لومړنۍ دیجټلي خبري آژانس
د نوبل جايزې ګټونکې او د ميرمنو د حقونو فعاله ملالۍ يوسفزي وايي، په افغانستان کې د طالبانو له لوري د واک له نيولو سره سم نجونې او ښځې له زدهکړو او کار کولو منعه شوي دي.
نوموړې د امريکا بهرنيو چارو له وزير انټوني بلنکن سره د لېدنې پرمهال ويلي، په افغانستان کې نجونې او ښځې يوازې يوه غوښتنه لري چې د ملالې يوسفزۍ په خبره هغه د دوی لپاره د زدهکړو او کار کولو حق خونديتوب دی.
ملالې يوسفزۍ له امريکا او ملګرو ملتونو غوښتې، چې د افغان ميرمنو غږ واوري د دوی د زدهکړو او کار کولو حق خونديتابه لپاره دې اقدام وکړي.
نوموړې په ورته وخت کې د هرات اوسېدونکې ستوده فروتن ته هم چې د نړۍ په کچه د ۲۵ اغېزناکو ميرمنو په ډله راغلې اشاره کړې او ويلي يې دي، يادو ظرفيتونو ته په پام سره په افغانستان کې جدي اړتيا ده چې ښځې زدهکړو او کار ته لاسرسی پيدا کړي.
