رویداد خبري آژانس په افغانستان کې لومړنۍ دیجټلي خبري آژانس
د ا.ا ویاند، ذبیح الله مجاهد له رویداد خبري اژانس سره په مرکه کې ویلي چې د دوحې په تعقیبي غونډه کې د ا.ا د استازي د ګډون د ا.ا د چارواکو له خوا نه دي نهایي شوي او دا موضوع د ارزونې په حال کې ده.
هغه تر دې وړاندې ویلي وو که د ا.ا د حکومت لاسته راوړنې په پام کې ونه نیول شي، د حکومت شرایط ونه مني او د کوچنیو مسایلو په اړه بحثونه کول او د حکومتونو لخوا د دغه حکومت په رسمیت نه پېژندل به له نړۍ سره د افغانستان تعامل ستونزمن کړي.
له بلې خوا د ا.ا ځینو چارواکو رسنیو ته ویلي، چې د ا.ا استازي په کابل کې د ملګرو ملتونو او قطر له استازو سره په کتنه کې د دوحې په درېیمه ناسته کې د ګډون لپاره شپږ شرطونه اېښي دي.
د دغو سرچینو په وینا، له دې شرطونو څخه یو په ملګرو ملتونو کې ا.ا ته د څوکۍ سپارل دي.
د دوحې درېیمه ناسته د ملګرو ملتونو په کوربه توب د جون په ۳۰مه او د جولای په لومړۍ (د چنګاښ ۱۰ او ۱۱مه) د افغانستان لپاره د هېوادونو د ځانګړو استازو په حضور کې ترسره کېږي.
ملګرو ملتونو د دې غونډې موخه له افغانستان سره په همغږۍ او منظم ډول د نړیوالې ټولنې د اړیکو پراختیا ښودل شوې ده.
