رویداد خبري آژانس په افغانستان کې لومړنۍ دیجټلي خبري آژانس
د سرپرست حکومت ویاند وايي، چې تېره شپه یې یو ځل بیا د پوځي عملیاتو په ترڅ کې د شریرو کړیو یو مرکز له منځه وړی دی.
د ا.ا.ا ویاند ذبيح الله مجاهد په خپله ټويټر پاڼه ليکلي، چې ( د کابل ښار اړوند کارته نو سیمه کې د ا.ا ځانګړو مجاهدو ځواکونو د یو لړ خاصو عملیاتو په ترڅ کې چې د شریرې کړۍ په یو پټنځای تر سره شول، ۲ تنه یې ووژل شول او پټنځای یې له منځه یوړل شو.)
مجاهد د دغو عملياتو په اړه نور جزیات نه دي خپاره کړي.
سرپرست حکومت په دې وروستیو کې په پلازمېنه کابل او یو شمېر ولایتونو کې د داعش ډلې پر مرکزونو حملو ته زور ورکړی.
استخباراتو په روانه اوونۍ کې په نیمروز کې او له هغه مخکې په بلخ ولایت کې د داعش ډلې پر ضد د عملیاتو او د یو شمېر وسلهوالو د وژلو خبر ورکړ.
