رویداد خبري آژانس په افغانستان کې لومړنۍ دیجټلي خبري آژانس
د بهرنیو چارو وزارت سرپرست، امیرخان متقي د اسلامي همکاریو سازمان په پنځوسمه ناسته کې ویلي چې « په غیرمنصفانه توګه د رسمیت پېژندلو حق» ترې اخیستل شوی دی.
نوموړي په دې ناسته کې، چې پرون په کامرون کې ترسره شوه، ویلي چې د افغانستان په میلیونونو ډالر د امریکا متحده ایالاتو لخوا بند شوي دي او پر افغانستان ناعادلانه اقتصادي تحریمونه وضع شوي دي.
متقي ویلي، «د رسمیت مشروع حق» او «په ځانګړو سازمانونو کې استازولۍ د انکار نه کولو حق» له ا.ا څخه اخیستل شوی دی.
د بهرنیو چارو وزیر له هېوادونو غوښتي چې د افغانستان بانک د ټولې شتمنۍ د خوشي کولو، پر افغانستان د اقتصادي محدویتونو د لرې کولو او ا.ا پر چارواکو د سفر په بندیز د لرې کولو لپاره دې هڅې وکړي.
متقي ویلي چې دا تحریمونه د افغانستان بانک د دندو د تعلیق او هېواد د اقتصادي پرمختګ د ټکني کېدو لامل کېږي.
د هغه په وینا چې ورته محدودیتونه په سیمه کې د سوداګرۍ د کمښت او دوه اړخیزه یا څواړخیره اړیکو د کمزورتیا لامل کېږي.
