رویداد خبري آژانس په افغانستان کې لومړنۍ دیجټلي خبري آژانس
د افغانستان بهرنيو چارو سرپرست وزير اميرخان متقي په دوحه کې د افغانستان لپاره د ۱۴ بېلابېلو هېوادونو له استازو سره لېدلي او له دوی سره يې پر هر اړخيزه اړيکو خبرې کړي دي.
نوموړي په دغه لېدنه کې زياته کړې، چې د افغانستان نوی حکومت له سيمې او نړۍ سره ښو سياسي او اقتصادي اړيکو ته ژمن دی او هڅه کوي چې په دې برخه کې ښه تعاملات ولري.
متقي دغه راز د سوداګرۍ له لارې د اقتصادي وضعيت پر ثبات، امنيتي وضعيت او پر افغانستان د لګېدلو بنديزونو په اړه هم بحث کړی دی.
نوموړی داسې مهال د افغانستان لپاره د ۱۴ هېوادونو له استازو سره ګوري چې له دې وړاندې يې د چين له بهرنيو چارو وزير سره، د دواړو هېوادونو ترمنځ د پياوړو اقتصادي او سياسي اړيکو په رامنځته کولو ټينګار کړی
