رویداد خبري آژانس په افغانستان کې لومړنۍ دیجټلي خبري آژانس
د افغانستان لپاره د مالیزیا د بهرنیو چارو وزارت ځانګړي استازي احمد اعظم عبدالرحمن د بهرنیو چارو له سرپرست وزیر سره په لیدنه کې افغانستان کې پر شته امنیت خوښي ښودلې او د دواړو هېوادونو ترمنځ د اړیکو پراختیا یې افغانستان ته د خپل سفر موخه ښودلې ده.
په دې لیدنه کې د بهرنیو چارو سرپرست وزیر ویلي، چې اوس مهال د دواړو هېوادونو د سوداګرو تګ راتګ لپاره ښه زمینه برابره شوې او باید افغانستان کې د پانګونې لپاره له شته فرصتونو څخه ګټه واخیستل شي.
په دې لیدنه کې دواړو لورو د اړیکو پر پراختیا او د همکاریو پر پیاوړتیا ټينګار کړی دی.
