رویداد خبري آژانس په افغانستان کې لومړنۍ دیجټلي خبري آژانس
د امريکا لوړ رتبه پوځي جنرال او د دې هېواد د ګډو ځواکونو مشر مارک ميلي وايي، چې له افغانستان څخه د امريکايي ځواکونو تر وتلو وروسته روسيې دا جرئت پيدا کړ چې پر اوکراين بريد وکړي.
نوموړي دا څرګندونې د سنا مجلس د وسلهوالو خدمتونو کميټې ته کړې او ويلي يې دي، چې د موضوع حساسيت له مخې په دې اړه کره وضاحت نه شي کولی؛ خو په خبره يې استخباراتي مالومات ښيي، چې د روسيې ولسمشر ولاديمير پوتين له وړاندې پر اوکراين د بريد خيال په زړه کې درلود.
مارک ميلي زياته کړې، چې له افغانستان څخه د امريکا او ناټو ځواکونو په وتلو سره، ولسمشر پوتين ته دا چانس په لاس ورغی او پر اوکراين يې پوځي بريد وکړ.
له دې وړاندې نوموړي ويلي و، چې د روسيې پوځي ځواک ته په پام سره په ۷۲ ساعتونون کې دننه د اوکراين پلازمېنه کېف ښار سقوط کېدای شي؛ خو د دې وړاندوينې خلاف روسي ځواکونه د کيف له څنډو په شا شوي دي.
