رویداد خبري آژانس په افغانستان کې لومړنۍ دیجټلي خبري آژانس
پاکستاني چارواکي وایي له لیبیا سره نږدې په سمندر کې د کډوالو د یوې کښتۍ چپه کېدو له امله لږ تر لږه ۱۶ پاکستانيان مړه شوي او لس نور ورک شوي دي.
د پاکستان د بهرنیو چارو وزارت (سه شنبې، د سلواغې ۲۲مه) ویلي چې د کډوالو دا کښتۍ اروپا ته روانه وه چې لیبیا سره نږدې په سمندر کې ډوبه شوه.
د د دغه وزارت په اعلامیې کې ویل شوي چې په ډوبې شوې کښتۍ کې د اټکل له مخې ۶۵ کسان سپاره و.
د ویلو ده چې دا لومړی ځل نه دی چې اروپایي هېوادونو ته روان پاکستاني کډوال په لارې کې مړه کېږي.
د همدې روان میلادي کال په سر کې هم د لوېدیځې افریقا په اوبو کې د کډوالو یوې کښتۍ چپه کېدو په پېښه کې۵۰ کسان ډوب شول چې څه باندې ۴۰ به یې پاکستانیان و.
دا په داسې حال کې ده چې د پاکستان صدراعظم شهباز شریف، د مړو شویو کسانو د کورنیو سره د غم شریکۍ ترڅنګ د انساني قاچاقبرانو پر ضد د جدي اقداماتو غوښتنه هم وکړه.
