رویداد خبري آژانس په افغانستان کې لومړنۍ دیجټلي خبري آژانس
د افغانستان لویه څارنوالي وايي،هغه درې تنه سناتوران چې د رشوت اخیستلو په تور یې نیول و په ضمانت خوشي کړي دي.
لویه څارنوالۍ وايي، د سناتورانو د توقیف موضوع له مشرانو جرګې سره هم شریکه شوې وه، خو مشرانو جرګې تصویب نهکړه.
د لویې څارنوالۍ ویاند جمشېد رسولي نن رسنیو ته وویل: “د افغانستان څارنوالي دغه سناتوران د قانون د احکامو په رڼا کې د ضمانت په بدل کې خوشې کوي، دوسیه تر څېړنې لاندې ده.”
د بلخ چارواکو تېره اوونۍ تأیید کړې وه، درې سناتوران چې د دغه ولایت د ګمرکاتو د څېړنې لپاره دغه ولایت ته ورغلي وو، د رشوت اخیستو په تور تر نیول کېدو وروسته کابل ته ولېږدول شول.
لویې څارنوالۍ ویلي وو چې دغه سناتوران د ۴۰ زره ډالرو د اخیستو پر وخت نیول شوي دي.
