رویداد خبري آژانس په افغانستان کې لومړنۍ دیجټلي خبري آژانس
د لوګر د ولایتي روغتون مسوولین وایي، چې تېر ماښام په یاد روغتون کې یوې مور څلور ژوندي ماشومان زېږولي دي.
د نایب امین الله خان لوګري ولایتي روغتون یو مسوول ډاکټر محمدصدیق همدرد وايي، چې تېر ماښام یوې مور د بره کي برک ولسوالۍ اړوند د شاه مزار سیمې اوسېدونکې ده، په یاد روغتون کې د زېږون پرمهال څلور ژوندي ماشومان، یو هلک او درې نجونې زېږولي، چې د ټولو ماشومانو روغتیایي وضعیت د ډاډ وړ دی.
د يادو ماشومانو پلار سيدغني د لوګر د ولايتي روغتون د مسؤولینو له خدمتونو څخه خوښي څرګنده کړه او د ناروغانو ستونزو د پر وخت رسېدنې په برخه کې یې د دوی هڅې وستایلې.
